Марий кугыжаныш университет «Маяк» радио дене пырля «Ученый совет» программым илышыш пуртен. Программе кажне арнян лекташ тӱҥалеш. Тушто университетын шанче туныктышо-влак кызытсе жаплан келшыше неле йодышым нӧлташ тӱналыт. Ынде радиом колыштшо-влак кӱлешан ой-каҥашым пален налын кертыт. «Ученый совет» 2016 ий 2 февральыште лекташ тӱҥалын.
Программын икымше унаже педагогика шанче кандидант, доцент Коломиец Диана Леонидовна лийын. Тудо йочан лудмо шудымо проблемым нӧлталын. Кызытсе йоча, студент да ийготыш шушо еҥ-влакат книгам кидыш пеш шуен налыт да лудыт гынат, тидым кумылын огыт ыште. Молан манаш гын, кызыт сылнымут литератур информаций источникыш веле савырнен. Диана Леонидовна радиом колыштшо-влаклан кузе йочам лудаш тараташ ой-каҥашым пуен. «Ача-ава-влак йочашт ончыкылыкшым кугу сеҥымашыш шужо манын шонат гын, икшывым тачак ямдылаш тӱҥалман», — палемден кодыш Диана Леонидовна.
Передачын вес темыже – «Кӧ тыгай коллектор да кузе нунын лӱдыктымыш дене кучедалаш». Марий кугыжаныш университетын вӱдышӧ экспертше эфирыште коллектор-влак да нунын дене вашкылым кучымо годым йоҥылыш нерген каласкалаш тӱҥалеш.
«Учёный совет» рубрикым «Маяк» радион эфирыштыже кажне кушкыжмын 17 шагатат 50 минутлан 102,7 FM волнаште колышташ лиеш.

Леонид Гимаев

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.