Кодшо ийын мурызо Светлана Осипова Сеҥымашын XXX идалыкше лӱмеш тӱвыра полатыште, поро кумылым ончыктышо концертым эртарен ыле. Тунам, концерт эртарыме дене кок шӱдӧ тӱжем теҥге погынен. Тиде шийвундым мурызо онкологий чер дене черланыше йоча-влакым эмлаш кусарен. Светлана Осипован палемдымыже почеш, тений тыгай концерт 6 апрельыште лиеш. Концертыш билетым налше кажне ончышо ты акцийыш шке надыржым пышта.
