Cайт-влак вийыштым конкурсышто терген кертыт

0
181

Марий Эл Республикын тӱвыра, савыктыш да калык паша шотышто министерствыже, кок ийлан ик гана эртаралтше, «Марнетын шÿдыржö-влак» конкурсым увертарен.
Конкурс Марий Элысе да шочмо калыкын тÿшкан илыме кундемласе марий-влак икте-весышт дене илышын тÿрлö йыжыҥжым интернет гоч келгынрак вашла палдарен кертышт да икте-весышт дене кутыраш сай йöн лийже манын эрта.
Тышке кеч-кушто илыше, кеч-могай гражданстван, тыгодым марий йылме дене интернет-дневник ден интернет-тӱшкам вÿдышö, сайт ден портал-влакым (тыгак нунын иктаж ужашыштым) ыштыше да шуяш полшышо организаций-влак да посна еҥ-влак вийыштым терген кертыт.  Тыгодым сайтын кушто регистрироватлалтмыжат шотыш ок налалт.
Конкурсышто тыглай номинаций-влак улыт:

  • Кугыжаныш кучемын эн сай сайтше.
  • Тÿвыра, туныктыш тӧнежын эн сай сайтше.
  • Мер ушемын эн сай сайтше.
  • Савыктыме газет але журналын вотысо (сетьысе, сетевой) эн сай версийже.
  • Марий калыкын тÿвыра, сымыктыш, йылме да йÿлажлан пӧлеклатше эн сай сайт.
  • Эн сай авторский Интернет-дневник (блог), Интернет-сообществе.

Йодмашым Марий Эл Республикысе тÿвыра, печать да калык-влак паша шотышто министерствыш 1 май гыч 1 октябрь марте пуэн шуктыман.
Тенданат кумылда уло тиде конкурсышто вийдам тергаш? Конкурс нерген шукырак тыште пален налаш лиеш.

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.