Тора да лишыл историй: «Марий погын» викторине

0
283
© vk.com / Е.Никифоров

Кок арня гыч, Йошкар-Олаште Х Марий калык погын эрташ тӱҥалеш. Погын вашеш «Кидшер» интернет-журнал викториным ямдылен. Тудо утыжым неле огыл. Туге гынат, марий калыкын эртыме корныжым, сай могыржым сапналтышыжым шергал лекташ сай йӧным пуа манын ӱшанена. Вет кугезына-влакын суапле пашашт, ончыкылык верч шуктымо кӱдыратле сомылышт марий самырык-влакымат ӧрдыжеш кодышаш огыл.

1. Пӱтын Российысе I Марий Погын кушто, мыняр кече эртен?
2. Икымше Марий Погынын Программыжым кӧмыт ыштеныт, могай тираж дене савыктеныт да кузе шаркаленыт?
3. Юл Кундемысе тыге калык-влакын Погынымашышт I Марий Погынлан чумыргаш да пунчалмут-влакым лукташ могай влиянийым (шӱкалтышым) ыштен?
4. Тӱҥ докладчик-влак кокла гыч кӧ да молан I Марий Погыныш миен шуде арестоватлыме лийын да кузе нуным утареныт?
5. Икымше Марий Погын деч ончыч могай марла газет лектын шоген, кӧ тидын верч азапланен да оксам тӱлен?
6. Икымше Марий Погынышто тиде газет олмеш у газетым лукташ пунчалым ыштеныт. Кузе тидым икымше газетын тӱҥ редакторжо вашлийын?
7. Икымше Марий Погынын делегатше-влак кокла гыч марий-влак Кугу Погынымашышке (Учредительный Собранийыш) кӧмытым да могай  партий гоч депутатыш кандидатлан темленыт?
8. Нунын кокла гыч кӧжӧ депутат лийын шуын але лийын шуын огыл?

Нине йодыш-влаклан вашмутым info@kidsher.ru электрон почтыш колтыза. Вашмутым 14 апрель марте вучена. Сеҥышылан чапле пӧлек лиеш. Ушныза!

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.