Еҥлан порым ыштет гын, тудат тылат поро дене вашешта.
11 апрельыште Республикысе тӱвыра да келшымаш кыл шотышто регионысо «ВийАр» мер ушем,  поро кумылым ончыктымо шонымаш дене Савинысе йоча пӧртыштӧ лийын.
Йоча-влаклан «ВийАр» ушемын еҥже, «Марий эл» кугыжаныш теле да радио компанийын корреспондентше Алёна Иванован «Кӧтремъ» да «Ший пампалче» фильмже-влак ончыкталтыныт. Тыгак тӱрлӧ тӱсан кагаз-влакым пӧлеклыме.

«Пӧлеклан йоча-влак пеш йывыртат. Йочан куаныше кумылжым, шинчаштыже пиал тулым ужмек - шке чоныштетат поро шӱлыш озалана. Санденак,  ушемын еҥже-влак дене каҥашымек,  Савинысе йоча пӧртыш ийлан икмыняр гана унала толаш кутырен келшенна», - палемден кодыш «ВийАр» ушемын вуйлатышыже Николай Любимов.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.