Кумшо ий почела Йошкар-Олаште «Тотальный диктант» тӱнямбал образовательный акций эрта. Тений тудо 16 апрельыште эрташ тӱҥалеш. Тудын девизше – «Грамотно возаш – модно!».
Акцийышке чыла континент гыч (тышке Антарктидымат пуртыман) шуко эл ушнен. Кодшо ийын «Тотальный диктантым» тӱнямбалсе 549 олаште возеныт, тений тиде мероприятийыш 700 утла ола ушнышаш. 
Йошкар-Олаште тиде паша Марий кугыжаныш университет негызеш эрта. Диктантым икмыняр корпусышто возаш тӱҥалыт. Тыгак тиде вуз гыч волонтер-влак Волжск, Звенигово, Козьмодемьянск олалаш, Марий Турек, Шернур, Параньга да моло районлаш лектыт. Тушто диктантым эртараш полшат.
Акций чыла вере 15 шагатыште тӱҥалеш. Кумылан-влак регистрацийым totaldict.ru сайтыште, «Тотальный диктант – 2016 Йошкар-Олаште» стараницыште, «ВКонтакте» социальный сетьыште эртен кертыт.
Кызытсе палыме писатель Андрей Усачёвын текстшым пофессионал филолог, туныктышо да верласе лӱмлӧ да палыме еҥ-влак лудаш тӱҥалыт.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.