Милена Смоленцева: Кочам кӧргӧ чонжо дене моткоч виян лийын

0
19
гана онченыт

Илыш кая, ончыко чыма. Тудым нимогай вий кеч ик секундлан чарен огеш керт. Жап шумеке, ош тÿня гыч родо-тукымна, пошкудына, палымына-влак мемнам коден каят. Таклан огыл марий калык ожнысек илышын тыгай улмыжым пален, тыге мурен: «Меже  каена, лÿмна кодеш...».
Шарнымаш мемнан шинча ончылнына нунын тÿсыштым ончыкта, могай лиймыштым шарныкта. 
Мыйынат шинча ончылнем кочам коеш. Кочамым Смоленцев Венедикт Иванович маныт. Тудо кöргö чонжо дене моткоч виян лийын. Шинча ончалтышыж гычак  пеҥгыдылыкшым да порылыкшым ужаш лийын. «Родина» колхозышто тыршен. Моткоч уста комбайнер лийын. Кугу награде дене икмыняр гана палемдалтын. Сад-пакчамат йöратен, тÿрлö сорт олмапум, саскам пуышо пушеҥгым,  вондым ятыр  шынден, изи йочам ончымо семын шекланен шоген. Пошкудыжо-влакым кажне ийын тамле олма дене сийлен.
Калыклан йöрышö,пагалыме эргым ончен, йол ÿмбаке шогалтен.
Мый, йöратыме уныкаже семын, кочамым эреак пагален шогаш тӱҥалам. Вет ме ик вÿр улына.

Смоленцева Милена, Морко район, Коркатово лицей, 10 класс

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ВАШМУТЫМ КОДЫЗА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.