Марий шанчызе дене чеверласыме мут

0
44
гана онченыт

Чумыр финн-угор тÿня, марий калык кугу ойгыш возын: кужу жап нелын черланыме деч вара Марий кугыжаныш университетын профессоржо, филологий шанче доктор, Марий Эл шанчын сулло деятельже, Россий Федераций кӱшыл профессионал шинчымашын почетан пашаеҥже, калык просвещенийын отличникше Анатолий Николаевич Куклинын 14-ше ага тылзын шӱмжӧ кырымым чарнен. 
Анатолий Николаевич Куклин 1948 ий 23-шо пургыж тылзын Советский районысо Шӱргыйымал ялыште шочын. Ӱшнӱр кандашияш школым тунем пытарымек, шинчымашым умбакыже Оршанке педучилищыште поген. Тылеч вара Совет Армий радамыште служитлен. 1971-1976 ийлаште Н.К. Крупская лӱмеш Марий пединститутын историй да филологий факультетысе руш йылме да литератур, марий йылме да литератур пӧлкаштыже тунемын.
Институтым тунем пытарымек, икмыняр жап В.М. Васильев лӱмеш йылмым, литературым да историйым научно шымлыше Марий институтышто ыштен. 1978-1981 ийлаште Эстон мландыште, Тарту университетын аспирантурыштыжо тунемын. Анатолий Николаевич тӱнямбалне чапым налше кумда эрудициян ученый, академик Пауль Аристэн вуйлатымыж почеш моткоч виян, келге шинчымаш школым эртен, «Фонетика красноуфимского говора марийского языка» теме дене кандидатлык диссертацийым арален.
1998 ийыште А.Н. Куклин филологий наука доктор лӱмым сулен налеш. Ты гана тудо вер-шӧр лӱм (топонимий) дене кылдалтше йодышла деке кусна «Топонимия Волго-Камского региона (историко-этимологический анализ)» монографийым савыктен луктеш. Анатолий Николаевич йылмым шымлыше наукышто (тудым ономастике маныт) ӱчашымашан йодышымат ӧрдыжеш коден огыл, шке ойжым каласен. Ты марте ономастике наукышто кумдан шарлыше, но йоҥылыш улшо южо теорийым вес семын умылтараш темлен.
Анатолий Николаевич 430 утла шанче да туныктымо-методик паша, 20 монографий, туныктымо пособий да программе-влакын авторжо.
Тачысе кечын шергакан Анатолий Николаевич мемнан дене йºршын чеверласа гынат, тудын куатан ойжо, радамлен кодымо ончыкылык пашагорныжо самырык тукымын ушеш лодемалт кодеш. Вий да йӧн лийме семын нуно илышыш пурталташ тÿҥалыт. Тидлан кугу ÿшан уло. Анатолий Николаевичын кийыме верже пушкыдо лийже. Ме курымеш шарнаш, аклаш тÿҥалына.

Марий кугыжаныш университетын ешыже

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ВАШМУТЫМ КОДЫЗА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.