Тыште тендам эре порын вашлийыт

«Айдемым пиаланым ыштат йӧратымаш, сай паша да вес кундем-влакым ончен кошташ йӧн». Ты шулдыран ойым руш писатель, поэт Иван Бунин каласен. Шинча да шӱм-чонна дене эреак моторлыкым, сылнылыкым кычалына. Муына – йывыртена, илышлан куанена.
Поро кумылан, чолга марий ӱдырамаш Ольга Борисовна Аптышева эрласе кечылан ӱшан дене ила, саман дене тӧр ошкылеш, кажне еҥым пиаланым ужнеже да тидлан кертмыж семын тӱрлӧ йӧным кычалеш. Кундемыштына тӱрлӧ шӧрынан мероприятийыште тудын дене ик гана веле огыл вашлийынна. Шымалыкше, поро кумылжо, ласка шинчаончалтышыже чылаштым сымыстара. Мер толкынышто тудым палыдыме еҥже укеат. Ольга Борисовна – амалкалче.
Паша кече але паша тургым деч вара чон канаш йодеш. Мӧҥгыштӧ чоным лыпландараш лишыл еҥ-влак дене пырля йӧнан. Ик эн сай да уло ешым чумырышо вер кеч-могай пӧртыштӧ – тиде кочмывер. Мӧҥгыштӧ ласкалык озаланыже манын, пöрт арверат сылне лийшаш. Лач кочмыверлан келыштарыме мебельым тудын фирмыже темла. Кӧлан мо келша: могай тӱс, могай материал гыч, могай кугыт, мом вераҥдыман – чылажымат фирмын пашаеҥже-влак раш умылтарат.
Таче тур индустрийыште шуко фирме уло. Нуно сай деч сай, оҥай деч оҥай вер-шӧрым темлат, кумылым савырат. Ольга Борисовна тыгак «M-tuor» турагентствым вӱда. Тиде агенстве йот элысе, Российысе ойыртемалтше вер-шӧрлаш миен толаш темла. Тенийсе самыныште ӧрдыж кундемлаш чоҥешташ кумылан шагалрак. Мемнан элыштынат сай вер ятыр. Пытартыш жапыште ялысе туризм, экотуризм, этнотуризм вияҥеш, у тӱсым налеш.
Ак тыглай еҥлан келшыше.
«M-tuor» турагентсте Йошкар-Ола, Йошкар армий урем, 43 пӧрт, «Дом быта» сатулымо рӱдерыште кокымшо пачашыште верлана. Тыште тендам эре порын вашлийыт.
Чыла йодышым 32-41-55 телефон дене рашемден кертыда. Тичмаш уверым тӱшкаште шергалза. «M-tuor» пелен тыгак «Амарис» кухньо мебель салон верланен.

Алёна Иванова

Кидшер
Шонымашым ешараш