Марий калык конгрессын у вуйлатыше

0
372

Matveev-Mihail (1)Марий калык конгрессым Михаил Матвеев вуйлаташ тӱҥалеш.
Эртыше кечылаште Марий калык конгрессын погынымашыже эртен. Тушто Эдуард Александров конгрессын вуйлатышыже семын пел ий жапыште эртарыме пашам иктешлен. Варажым тӱрлӧ амал улмылан кӧра, председатель гыч кораҥмыж нерген палдарен. Тыге конгрессын пашажым ынде М.Шкетан лÿмеш Марий кугыжаныш драме театрын директоржо Михаил Матвеев шукташ тӱҥалеш. 
Михаил Матвеев Советский кундем, Кугунур селан эргыже улеш. Кӱшыл шинчымашым Марий кугыжаныш университетыште налын. 10 ий «Марий Эл» теле да радио компанийыште пашам ыштен. «Запредельные марийцы» программе циклланже Олык Ипай лӱмеш кугыжаныш премий дене палемдалтын. Кодшо ийын М.Шкетан лÿмеш  Марий кугыжаныш драме театрын директоржылан шогалтеныт.
Ушемын историйжым ончалаш гын, Марий калык конгресс 2002 ий 28 мартыште шочын. Эн ондак тудым Сергей Иванов вуйлатен, варажым Владимир Актанаев, Юрий Русанов да Эдуард Александров.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.