#Мый МарГУ-м йӧратем!

0
154

Марий кугыжаныш университетын тӱҥ корпусыштыжо «Мый МарГУ-м йӧратем» фотоконкурсын сеҥышыже-влакым палемденыт. Тиде таҥӱчаш ик тылзе утла шуйнен да 1 сентябрыште мучашлалтын. Тушко шуко оҥай, чонеш пижше фотосӱрет пурен. Чыла пашам ВКонтакте МарГУ-н официальный группыштыжо #ЯлюблюМарГУ хэштег почеш муаш лиеш. 
Конкурсын условийже почеш участниклан «Мый МарГУ-м йӧратем» стеле воктене возалташ да ВКонтакте социальный сетьыште шке страницыште вераҥдаш кӱлын. Чылаже 30 утла паша пурен. Участник-влак тӱрлӧ улыт, но чылаштымат икте ушен шога – МарГУ-м йӧратымаш.
Конкурсышто икымше верым Инна ден Денис Степановмытын пиалан ешышт налын. Нуно стеле воктене 13 августышто – сӱанышт кечын войзалтыныт. Кокымшо вер дене электроэнергетический факультетын студентше-влак Кирилл Опарин, Никита Домрачев да Дмитрий Ильин палемдалтыныт. Экономике, управлений да финанс институтын студенткыже Мария Шинкарева кумышо верыш лектын. Зритель-влакын призыштым Светлана Шайбулатова Виктория ӱдыржӧ дене налын. Викалан 2 ий – тудо конкурсын эн самырык участницыже.
Сеҥыше-влакым Ι, ΙΙ да ΙΙΙ степенян диплом да шарнымашан пӧлек дене палемденыт. Степановмыт ешлан гын, МарГУ логотипан шагатым да «Мый МарГУ-м йӧратем» стелын иземден ыштыме копийжым кучыктымо.

ПАЛДАРАШ

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.