Россий ден Словакийын ученыйжо-влак МарГУ-што вашлийыныт

0
220

Марий кугыжаныш университетыште Россий да Словакийысе историк-влак комиссийын VI заседанийже да «Русские и словаки в исторической ретроспективе: культура, политика и историческая память» тӱнямбал конференций эртен. Комиссий 2007 ий гыч историй дене руш-словак кыл шотышто у документ-влакым кычалмаште, пырля эртарыме шымлымаш да савыктыме проект-влакым шыҥдарымаште Россий ден Словакийысе ученый-влакын шанче вийыштым ушен шога. Комиссийын российысе ужашыже РФ-ысе историк-влак Национальный комитет да Россий науко академиийысе историй да филологий науко пӧлка пелен, а словацкий – Словацкий науко академий пеленсе Историй институтышто верланеныт. 
Конференцийышке вӱдышӧ российский да словацкий историк-влак толыныт. 2016 ийысе комиссий заседанийын ик ойыртемже – тудын пашашкыже Юл кундемысе республикла гыч ученый-влак ушненыт: Марий Эл, Чуваший да Татарстан гыч Россий интеллектуал историй обществын (РОИИ) еҥже-влак. Тидын тӱҥ амалже – комиссий вуйлатыше, РАН-ын член-корреспондентше Лорина Петровна Репина эше РОИИ-н председательже.
 Конференцийын участникше-влак республике, Йошкар-Ола, Марий кугыжаныш университет дене палыме лийыныт. Словак ученый-влак МарГУ-со «Воскресение» поисковый отрядын тоштерышкыже миеныт да экспозиций-влакым онченыт. Тиде Словацкий национальный восстаний (Банская Быстрица) музей ден Марий кугыжаныш университет коклаште пашам виктарен колтымо шотышто ойпидышым пеҥгыдемдаш йӧным ыштен. Тыге Кокымшо тӱнямбал сарын историйдым шымлыме проект-влакым илышыш шыҥдараш корно почылтеш.

Леонид Гимев

ПАЛДАРАШ

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.