Раисия Сунгуровам «Чайгоркаште сандалык» книгам презентоватлен

0
23
гана онченыт

raisiya-sungurovaУсталык ушем-влакын пӧртыштышт самырык поэтессе Раисия Сунгурован «Чайгоркаште сандалык» книга презентацийже эртен.
«Чайгоркаште сандалык» — Раисия Сунгурован кокымшо  мурсаска  книга. Тышке  2010–2015  ийлаште возалтше ойырымо почеламут-влакым чумырымо. Самырык автор шочмо вер деч ӧрдыжтӧ шым ий ила. Кузе тудлан вес мландыште? Мо верч чонжо йӱла да мо тудын чонжым ырыкта? Чыла тиде шижмаш  почеламут  корнылаш  возын,  сылнымутыш савырнен вашмутым пуа. Тыге Раисиян тӱняончалтышыже  у  книган  лаштыклаштыже  утыр  да  утыр почылтеш, лудшо еҥ тудын йолташыже лиеш.
Ушештарем, «Ош шовычан у эр» икымше книгаже 2008 ийыште лектын.
Раисиян усталык касышкыже родо-тукымжо, йолташыже, поэт-влак саламлаш толыныт.
Раисия Сунгурован усталыкше дене кумылан-влак кылвер почеш палыме лийын кертыт.

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ВАШМУТЫМ КОДЫЗА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.