«Светлана» конкурсын сеҥышыже пале

0
452

vyacheslav-komarovКодшо арнян Светлана Эсаулова лӱмеш фондын учредительже-влак самырык поэт-влак коклаште эртыше конкурсым иктешленыт. 
Жюри член-влак тений Вячеслав Комаровын «Тошкем йолгорно» сборникше дене сеҥышыш лектын. Авторын книгаже кок ужашан. Икымшыштыже ондак возымо почеламут-влак руш йылме дене улыт. Нуным поэт Герман Пирогов кусарен. Кокымшо ужашыш пытартыш кум-ныл ий жапыште возымо сылнымут саскаже-влак пуреныт.
Вячеслав Советский район Келмаксола ялын эргыже улеш. Верысе школышто кыдалаш шинчымашым налын. Варажым, Н.Крупская лӱмеш Марий пединститутым тунем пытарымек Медведево районысо Пижма школышто пашам ыштен. 2006 ий годсек «Марий Эл» кугыжаныш теле да радио компанийыште корреспондентлан пашам ышта. Кок сборникше уло.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.