Шочмо калыкнан ончыкылыкшо верч

0
633

 

alyona-yakovlevaШочмо калыкнан тукымжо илен-толын пеҥгыде да чолга лийже манын республикыштына у да шкешотан «Самырык марий ончылъеҥ» проект илышыш шыҥдаралтеш.
Эртыше кечылаште Советский район, Ӱшнӱр кыдалаш школышто блогер, «Кидшер» интернет-журналын тӱҥ редакторжо Николай Любимов, самырык поэт Надежда Васильева (Эмыкан), М.Шкетан лӱмеш марий кугыжаныш драме театрын актёржо Михаил Александров да самодеятельный композитор ден мурызо Алёна Яковлева тунемше да туныктышо-влак дене пырля вашлиймашым эртареныт. Кажныже илыш-корныжо, усталык пашаже нерген палдарен. Варажым, уна-влак йоча да кугыеҥ-влакын йодышыштлан вашештеныт, кушкын толшо тукымлан тыланымашыштым ойленыт.
«Марий сылнымутна моткоч поян да сылне манына. Марий тӱвырам шуарымаш паша калыкна дене шуко ышталтме гай чучеш. А мо вуча мемнам икмыняр жап эртымеке? У кушкын толшо тукымна шке йылмыжым арален кертеш мо, сылнымутнам пойдараш ямде лиеш мо, тӱвыранам пагалаш тӱҥалеш мо? Тиде йодыш-влак шукыштым тургыжланаш таратат шонем. Садлан тӱткышым ялысе школлаште тунемше йоча-влаклан ойырыман. Нунын дене пашам ыштыман», - палемда проектын ик авторжо Алёна Яковлева.
Черетан вашлиймаш 21 ноябрьыште Советский районысо Кельмаксола кыдалаш школышто эрташ тӱҥалеш.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.