Марий форумын шыже сессийже лишемеш. Тений тудо 9-10 декабрьыште Йошкар-Олаште эрташ тӱҥалеш.
Уна-влак республикнан кажне районжо гыч да марий-влакын тӱшкан илыме Одо, Пошкырт, Татарстан да моло кундем гыч толыт.
Форум кышкарыште «Марий калыкын ончыкылыкшо: самырык-влакын ончалтышышт» конференций лиеш. Мер пашаеҥ-влак Оналмаш Валерий Мочаевым салымлымаш касыш погынат. Вес кечынже 2016 ийысе пашам иктешлат да 2017 ийлан паша кышкарым палемдат.
Форумын программыжым ончалаш темлена:
9 теле (кугарня)
12.00 — 13.00 — Регистраций
13.00 — 16.00 — «Марий калыкын ончыклыкшо: самырык-влакын ончалтышышт (шонымашышт)»
14.20 — 14.30 — Каныш
16.00 — 16.30 — Республикысе курчак театрыш куснымаш.
16.30 — 18.00 — Марий тиште кече пайремым эртарымаш
18.00 — 20.00 — «Оналмаш В.А. Мочаевым салымлымаш кас» Марий Эл Республикысе йоча да самырык-влаклан театр-рудер «Юбилярым саламлымаш кас».
10 теле (шуматкече)
09.00 — 12.30 — Марий Мер Каҥашын III пленумжо:
1) Мер Каҥашын 2016 ийысе паша лектышыже да 2017 ийлан паша кышкарже нерген.
2) Мер Каҥаш пелен чумырымо комиссий-влакын паша кышкарыштым пеҥгыдемдымаш.
3) Кугурак-влакын каҥаш погыныштым пеҥгыдемдымаш.
10.30 — 10.45 — Каныш
12.30 — 13.30 — Кечывал кочкыш
13.30 — Форумыш толшо-влакын каяш тарванымаш.