Йошкар-Олаште эн сай сайт ден книга-влакым палемденыт

0
283

marij-tishte-keche_2016Марий тиште кече — калыкын ик эн кугу пайремже. Тудын историйже акрет годсо пагытышке шуйналтеш — 1775 ий 10 декабрьыште Санк-Петербург олаште ужалымашке лекше икымше марий грамматике («Сочинения, принадлежащие к грамматике черемисского языка») у илышыш корным почын.
Тений тиде кечылан пӧлеклалтше пайрем кас Курчак театрыш зал тич калыкым чумырен.
Марий тиште кече пайремым Марий Эл правительстве председательын икымше алмаштышыже, Тӱвыра, печать да калык-влакын пашашт шотышто министр Михаил Васютин саламлымашыж дене почо. Варажым, тӱрлӧ конкурслаште сеҥыше-влакым палемдышт.
8 декабрьыште Марий кугыжаныш университетыште нылымше гана марла диктантым тӱшкан возеныт. Тудын лектышыжым МарГУ-со калыкле тӱвыра да тӱвыра кокласе коммуникаций институтын туныктышыжо Валерий Максимов иктешлен.
Ты кастене «Марнетын шӱдыржӧ» интернет конкурсын сеҥышыже-влакымат пален нална. Печать, СМИ коклаште «Кугарня» газетын сайтше ончыко лектын. Эн сай тематический сайт семын «Кидшер» интернет-журналым палемденыт.
Пайремын эн чот шӱмым тарватыше татше — «Марий Элын идалыкысе книгаже» VII республиканский конкурсым иктешлымаш. Тений тушко 303 паша пурен.

  • «Идалыкын эн сай книгаже» номинацийыште Г.И.Прокушевын «Очерки о художниках Марий Эл» книгаже лектын. «Лудшо-влакын симпатий призыштым» тиде книгаяк сеҥен налын.
  • «Эн сай шанче савыктыш»номинацийыште «Красная книга Республики Марий Эл. Том «Животные» книгалауреат лӱмым сеҥен налын. Тудым Марий Эл Республикын экологий лӱдымшыдылык, пӱртӱс да калыкым аралыме шотышто Департаментше, Марий кугыжаныш университет ден «Кугу Какшан» кугыжаныш заповедник луктыныт.
  • «Эн сай туныктыш савыктыш»номинацийыште С.К.Свечников ден С.С.Волковын серыме «История и культура народов Марий Эл» книгашт лауреат лӱмым сулен.
  • «Марий Эл Республик нерген эн сай книга»номинацийыште «Марий Эл: колыбель души мари – «Марий Эл»: марий еҥын чон шепкаже» книга сеҥен. А.С.Абдулов ямдылен.
  • «Марий Элын ойыртемалтше еҥ нерген эн сай книга»номинацийыште В.М.Васильев лӱмешМарий йылме, сылнымут да историй шанче институтын лукмо «История Марийского края в лицах. 1941-1945 г.г. Великая Отечественная война: историко-биографические очерки» книга сеҥышыш лектын.
  • «Шочмо вер нерген эн сай книгалан» Валентин Созонов ден Аркадий Курочкинын «Мари-Чумбылат – Аимково» книгам шотлымо.
  • «Эн сай поэтический сборник»номинацийыште Зинаида Ермакован «Тек куржыт ий-влак» книга книгаже лектын.
  • «Марий йылме дене эн сай книга»- тиде «Кӱрылтшӧ муро: марий литератор-фронтовик-влакын мурсаскашт: почеламут, ойлымаш, очерк, мыскара». Гельсий Зайниев чумырен.
  • «Йочалан эн сай книга»номинацийыште «Ямде лий» газетын тӱҥ редакторжо Лидия Семенован чумырымо «Родо-тукым еш: финн-угор калык-влак нерген» ойпого лауреат лӱмым сеҥен налын.
  • «Эн сылнын сӧрастарыме книга» номинацийыште Пет Першутын «Муравьиная свадьба: поэма-сказка»книгаже лектын. Книгам Российын калык художникше, график да живописец Зосим Лаврентьев сӧрастарен.
  • «Полиграфий велым эн чаплын ямдылыме книга» номинацийыште «В объективе – эпоха: Марийское телевидение в 1960-2015 годах» книга лауреат лӱмым сеҥен налын. Тудым Галина Михайлова ден Оксана Кошкина возеныт да чумыреныт.
  • «Лудмывер дене сай вашкыллан»номинацийыште С.Г.Чавайн лӱмеш Калыкле лудмыверын кумылаҥдыше дипломжым «Пенсионер» да «Семейная газета» газет-влакын учредительже да тӱҥ редакторжо, Россий журналист ушемын марий регионысо пӧлкажым вуйлатыше О.А.Стариковалан кучыктымо.
ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.