Марий Оньыжа журналист да печать пашаште тыршыше-влакым саламлен

0
255

e-duard-aleksandrovМарий Оньыжа Эдуард Александров журналист да печать пашаште тыршыше-влакым саламлен.
«Марий Элыштына 100 утла печать савыктыш уло. Тыгак марла лекше газет-влак элнан вес кундемлаштыжат лектын шогат. Мутат уке, тачысе илышыште тÿшка-увер йöн (СМИ) деч посна илышнам огынат уж. Радио, телевидений умбакыже вияҥыт. Интернет илышыш шыҥен пурен. А Российыште икымше «Ведомости» газет 314 ий ондакак ош тÿням ужын. 
Шочмо йылмым, калык тÿвырам, йÿлам арален кодымаште, у тукымым куштымаште калыкле тÿшка-увер йöнын вийже кугу. Тыгодым йочам марий савыктышым лудаш изинек кумылаҥдышаш улына. Кажне марий суртыш «Ямде лий» газет ден «Кече – Солнышко» журнал толшаш. «Кугарня», «Марий Эл», «Чолман» да районласе моло газетым, «Ончыко», «У сем», «Марий сандалык – Марийский мир» журнал-влакым лудын шогыман. Чыла тидлан подпискым жапыштыже ыштен шуктыман.
Пагалыме журналист-влак! Паша кумылда эре кÿшнö лийже. Тумо гай пеҥгыде тазалыкым, волгыдо пиалым, нимучашдыме усталык сеҥымашым тыланем.», - тылана Оньыжа.

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.