Алёна Яковлева «Ший памаш» конкурс нерген

0
310

Сылнымут корным ойырен налше самырык автор-влаклан ӱшанлын йол ӱмак шогалаш полшаш манын 2014 ий гыч Марий Элыште драматург, журналист В. Абукаев-Эмгак лӱмеш «Ший памаш» конкурс эрта. Тиде поро пашам «Ший памаш» сылнымут фонд шуктен толеш. 
Эртыше идалыкыште эн сай теле да радио-журналист, блоггер паша номинацийыште «Ший памаш» фондын дипломжо да «Канде толкын» премий дене «Марий Эл Радион» вӱдышыжӧ Татьяна Соловьёва ден блоггер Николай Любимов палемдалтыныт. Эн сай журналист пашалан «Марий Эл» газетын пашаеҥже Лидия Шабдарова ден «Кугарня» газетын пашаеҥже Татьяна Айтова «Виш чон» премийым налыныт. Поэзий номинацийыште Вера Гордеева ден Алёна Яковлева ойыртемалтыныт. Нунат диплом да «Кинде-шинчал» премий дене палемдалтыныт.
«Марий Эл» теле да радио компанийын пытартыш «Пошкудем» передачыштыже Алёна Яковлеван усталыкше нерген передаче лектын. Кузе самырык поэтесса почеламут-влакым сера, мурым шочыкта, могай пашам шуктен шога? Тиде да моло йодышлан вашмутым передачыште муыда.

ПАЛДАРАШ
viktaryshe

«Кидшер» интернет-журналын увер службыжо.

Увер ден материалда-влакым info@kidsher.ru электрон почто дене вучена.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.