Ӱярня модыш-влак

0
110
гана онченыт

Кугезына-влак илыш ӱй гай куштылго да яклака лийже манын, Ӱярня арня мучко тӱрлӧ семын мунчалтеныт. В.Мамаев «Марий йӱла да пайрем-влак» книгаштыже тыгай марий Ӱярня модыш-влакым палемда:1. Ӱярня курыкыш погынен, еҥ-влак икте-весышт дене издер дене ӱчашен мунчалтен волат. Кӧ эн торашке мунчалтен кая, тудын кынеже кужурак лиеш, маныт.
2. Курык вуйышто ӱдыр-каче-влак мужыр дене шелалтыт. Кудо мужыр эн торашке мунчалтен вола да эн писын курык вуйыш кӱза, нуным калык деч мокталтыме шомак вуча.
3. Самырык-влак ял воктеке имне дене погынат. Имне терышкышт шинчын, кӧ эн писын кудалеш манын ӱчашат.
4. «Картаваҥга» модыш. Лумышто лакым кӱнчат да йырже сайын тӧрлен тошкен шындат. Тиде лаке покшекырак кандыран ик мучашыжым лумышко кылмыктен шындат, воктекыже карта гыч ыштен кылмыктыме кидвурго кӱжгытанрак паҥга-влакым оптат. Вӱдышӧ кандыран вес мучашыжым кучен шогалшаш да картаваҥга-влакым аралышаш, а модшо- влак чыла тидым лаке гыч чумен лукшаш улыт. Кунам чыла паҥгам чумен луктыт, модыш угыч тӱҥалеш.

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ВАШМУТЫМ КОДЫЗА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.