Марий Талешке кече дене Оньыжа саламла

0
208

Марий Мер Каҥаш лÿм дене чыладамат алал кумылын кугу марий пайрем — Марий талешке кече — дене саламлем! 
Тӱнямбалне чыла калыкын жаплыме пайремже уло. Тений ме Марий талешке кечым коло шымше гана палемдаш тӱҥалына. Тудым ынде Марий Элыште веле огыл, пÿтынь марий тÿняште кумдан палемдат. Тугеже кызытсе саманыште кажне марий еҥын чоныштыжо акретле сугынь ила да вияҥын толеш.
Марий калык шкенжын кугезе патырже-влакым, шке йырышт тале сарзе-влакым чумырышо он-влакым поснак чот жапла. Нине патыр-влак шуко тӱрлӧ тушман деч калыкнан илышыжым да эрыкшым, шочмо мландын моторлыкшым, курымла дене вияҥ толшо верам, шке йылмыштым да моткоч сӧрал тӱвыраштым арален шогеныт. Марий калык акрет годсо талешке-влакым — Чумбылатым, Полтышым, Мамич-Бердейым, Акпатырым, Акпарсым да шочмо мландым арален шогышо моло еҥымат — пагален шарна. Эртыше курымын талешкыжлан С.А.Нурминскийым, И.Н.Смирновым, С.Г.Чавайным, И.П.Петровым, Н.С.Мухиным, В.М.Васильевым, М.Шкетаным да Совет Ушем Герой-влакым шотлена.
Волгыдо ӱмырыштым марий калыкын эрыкше да пеледалтшашыж верч пуышо кугезе талешкына-влакым жаплымаш ончыкылыклан ӱшаным пеҥгыдемда, чонышто патриотизм да шке калык дене кугешныме кумылым ылыжта, шочмо вершӧрым йӧраташ тарата.
Ончыкыжымат шке калыкнам пагалаш, шочмо йылмынам аклаш, марий тÿвыранам йöраташ, кугезе йÿланам жаплаш ÿжам. Кажне ешлан да еҥлан пеҥгыде тазалыкым, кужу ÿмырым, вашла пагалымашым да пиалым тыланем.
Пайрем дене!

Марий Оньыжа Эдуард Александров.

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.