Йошкар-Олаште «Йыван Кырла лудмаш» шанче-практик конференций эртен

0
487

Йошкар-Оласе Калыкле президент интернат-школышто 31 мартыште регион-влак кокласе «Йыван Кырла лудмаш: калыкле тӱвыра - илышкумдыкышто да вашталт толмо жапыште» шанче-практик конференций визымше гана эртен. Республикынат тӱрлӧ районлаже да Чуваш, Татарстан, Карелий, Киров да Свердловск кундемла, Эстоний да Финляндий гыч шудӧ утла еҥ лийын. Конференций шке пашажым латик секцийыште шуэн. 
Тенийсе конференций марий калыкын икымше погынжо эртымылан 100 ий да элыштына Октябрь револиций лиймылан 100 ий теммылан пӧлеклалтын. Марий Эл Республикын кугыжаныш архивше тиде событий вашеш ончерым ямдылен. С.Г. Чавайн лӱмеш книгагудо книга ончер дене палдарен.
Пленарный погынымаште да секцийлаште конференцийыш ушнышо-влак марий калыкын мер толкынжын вияҥ толмыжо, йылмын, тӱвыран, йӱлан рольжо, фольклор, мер илыш, национальный политике, тӱвыра да туризм дене кылдалтше йодыш-влакым каҥашеныт. Ятыр темлымаш йоҥген.
Марий Элысе тӱвыра министерствын палдарымыже почеш, иктешлымаш семын, конференцийыште йоҥгышо доклад-влакым сборникыш поген савыктат.

Марий Элысе тӱвыра министерствын фотосӱретше-влак

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.