Мер каҥаш: «100 марий деч — 100 пӧлек»

0
422
гана онченыт

Поро кече, чолга марий айдеме!
Пеледыш тылзын 17-ше кечынже Йошкар-Олаш Пеледыш пайрем толеш. Шкенан калыкнан йӧратыме пайремже. Поян программе ямдылалтын, шуко еҥ, уна толыт, мотор игече лийшаш. 
Тыгак поян, шуко да мотор пӧлек-влак лийшаш улыт! Вара веле пайремна тичмаш лиеш.
Пӧлек ситышын лийже манын, Марий Мер Каҥаш акцийым увертара: «100 марий деч — 100 пӧлек». Тиде акцийыш ушнаш чолга марий-влакым ӱжына. Те, илен-толын, кугу еҥ марте кушкын шуын улыда, Тендам палат, молылан пример улыда. Ончыктыза ыле тыгай примерым тиде пайремыштат. Могай пӧлекым луктын моштеда, тудым Тендан лӱм дене пайремыште кучыктена.
Ме Тыланда 2016 ийыште акцийыш ушнышо-влакым ушештарена. Тунам акций икымше гана эртен, тушко 47 марий ушнен шуктен. Кажне пӧлекын шке девизше уло: тукымлӱм (фамилий), статус да шочмо вер. Ончалза, кӧ мом пӧлеклен. Ала Тенданат тыгайым але тидын деч оҥай, мотор да поян пӧлекым ыштыме шуэш?!
Пӧлекым Марий Мер Каҥашыш кондыман: Йошкар-Ола, Гагарин проспект, 8, Мер-политик рӱдер, 211 кабинет. Тел. (8362)42-45-53.

Поро дене!
Акцийлан вуйын шогышо
оналмаш Мочаев Валерий Александрович.

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ВАШМУТЫМ КОДЫЗА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.