Марий кугыжаныш университетыште «Пӱртӱс да айдеме» теме дене семинар эртен

0
180
гана онченыт

Калыкле тӱвыра да тӱвыра кокласе коммуникаций институтышто «Экологий идалыклан» пöлеклалтше «Пӱртӱс да айдеме» теме дене семинар эртен. 
Семинарын жапыште студент-влак «Пӱртӱс да айдеме: марий калыкын тӱняумылымашыже» теме дене докладым колыштыныт. Тудым педагогике науко кандидат, «Марий школ» лабораторийын вуйлатышыже Виталий Михайлов ямдылен. Марий кугыжаныш университетын Р.А. Панова лӱмеш шанче библиотекын калыкле да краеведений пöлкан пашаеҥже-влак Галина Корнилова ден Светлана Багаева «Ме пӱртӱсын шочшыжо улына» книга ончерым, тыгак «Сылнын лудмаш», «Ойöрöм паледа мо?» да «Аралыза марий пӱртӱсым» – сочинений-эссе конкурслам эртареныт.
Организатор-влак конкурслаште сеҥыше-влаклан да моло участник-влаклан сертификатым да шарнымашан пöлекым кучыктеныт.

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ВАШМУТЫМ КОДЫЗА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.