Светлана Эсаулова лӱмеш конкурсым иктешленыт

0
538

Светлана Эсаулова лӱмеш фондын учредительже-влак самырык поэт-влак коклаште эртыше конкурсым иктешленыт. 

Тений Алёна Яковлева «Ончалтыш» сборникше дене сеҥышыш лектын. Авторын книгаже ныл ужашан. Икымшыштыже йоча жап да шочмо ял нерген почеламут-влак улыт. Кокымшо да кумшо ужашыш йӧратымаш да илыш йогын нерген шонкалымаш пурталтын гын, нылымше ужашыште «41 чын» авторын возымо рубаиже-влак пуреныт.

Алёна Яковлева (Алёна Корамас) Изи Корамас ялыште шочын-кушкын. Сергей Чавайнын шочмо ял шӱлышыжо Алёнам сылнымут деке шӱмаҥден. Изи Корамас тӱҥалтыш, Арын кыдалаш школлаште, Йошкар-Олаште республикысе педагогический лицейыште шинчымашым поген. Марий кугыжаныш университетысе историй-филологий факультетын шочмо йылме да сылнымут пӧлкаштыже тунемын. Кызыт тудо кок икшывым ончен кушта, марий эстрадыште шке усталыкшым ончыкта.
Алена сылнымутышто тыглай мут дене келге чыным рашемдаш тырша. Чонжо пӱртӱс деке виктаралтын. Пӱртӱс сӱрет гоч илышым умылаш тыршымыже шерге. Почеламушо-влаклан шкеак семым келыштара, муро сымыктышыште вийжым терга.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.