Марий йӱла: Шыже кумалтыш-влак эртат

0
31

Кече кечым покта, арня – арням. Тыге мландымбаке шыже пагыт толын шуо. Марий-влак пакчашкышт кушшо поян саскам, пасушто кӱын шушо киндым поген налыт. Ты пагытлан кайыквусо ден вольыкат атыланен шуэш. Шыжым йӱд кече деч кужурак лиеш, суткан волгыдо жапше эркын колташ тарвана, Ош Кугу Юмылан тауштен, умбакыжат илыш тыныс да пиалан лийже манын сӧрвала.
Кумалаш тарваныше калык кумалтышыш лекташ кутырен келша, тидлан лӱмын кечым палемда, могай вольык дене кумалаш каҥаша. Кумалтыш кече деч ончыч кумалме верым эрыктат, пум ямдылат, шагым келыштарат. Тӱҥ кумалтыш киндым ышташ, пурам шолташ посна ешым ойырат.
Кумалтыш кечын осыгечынже, мончашке пурат, сортам пӱтырен ямдылат, неран киндым, мелнам кӱэштыт, мелна кышыл ӱмбакыже туарам пыштат. Кӱсотышко пелен наҥгаяш яндар вӱдеш мушмо ший оксам, у солык ден шовычым ямдылат. Кӱсото тӱрышкӧ миен шогалмеке, вуйым савен, Кӱсотӱмал Юмо дене саламлалтыт, кумалме кечым пореш ужаш йодыт. Кӱсото кӧргыш пурымеке, кӱлеш сомылым шуктат, кумалме верыште кумалтыш вий дечын кугу шулыкым, кум тӱрлӧ кӱрылтдымӧ перкем, серлагыш ден аралтышым йодын сӧрвалат, вара тауштен, мӧҥгышкышт каяш тарванат.
Тиде кумалтыш кече деч вара кумалме арням сайын жаплен шогат. Оксам шагал кучылтыт, вургемым огыт мушкеде, вӱрым луктын, вольык шӱшкылмашым огыт ыште., шкеныштым шыман кучат, пытартыш кечынже арня лектышым палемден кумалыт.
Тыгай кумалме йӱла кугезына-влак деч курымла дене куснен толын, меат тудым ончыкылык тукымланна арален кодышаш улына, - воза «Марий юмынйӱла да пайрем-влак» книгаште В.Мамаев.

Марий юмынйӱла ушемын палдарымыже почеш кумалтыш-влак эртат:

  • 5 октябрь — Советский район Кугунурышто — ял кумалтыш.
  • 8 октябрь — Йошкар-Олаште — шыже кумалтыш, Советский район Яҥгранурышто — ял кумалтыш, Марий Турек Кирзавод отышто — Турек Суртанлан кумалтыш, Советский район Опанассолаште — ял кумалтыш.
  • 15 октябрь — Оршанке район Аппак отышто мер кумалтыш.
  • 22 октябрь — Шернур район Кугу Коклала отышто — Кугу Тӱня кумалтыш.
  • 29 октябрь — Советский район Шуймучаш ялысе Чокмото отышто — Тӱня кумалтыш.
  • Ноябрь тылзыште Морко район Шланьыште — ял кумалтыш.

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.