Марий Эл Республикыште илыше пагалыме еҥ-влак!

Талукысо эн юзо пайрем лишемеш, мый тендам у, 2018 ий да волгыдо Рошто пайрем дене куанен саламлем!

Поро йӱла почеш ме элын да республикынан илышыштышт лийше эн чапле событийлам шарналтена, шумо сеҥымашым лончылен лектына, эртыме илыш корнынам шергалына. Мучашке лишем толшо ий мемнан кокла гыч кажныланна шумо чапле сеҥымаш, куанле вашлиймаш да уым пален налме дене ушешна кодеш.

Эртыше ий Марий кундемыште кугу событийлан поян лийын. Эн кӱлешанже – Наций-влак кокласе кыл шотышто Россий Федераций Президент пеленсе советын заседанийже, тудыжым кугыжанышым Вуйлатыше Владимир Путин эртарен; Россий Федерацийын субъектше-влакын законодательный кугыжаныш кучем органыштын Юл кундем федеральный округысо ассоциацийыштын 50-ше юбилейный заседанийже. Йошкар-Олаште республикын историйыштыже икымше гана «Время возможностей» регион-влак кокласе экономический форум эртен. Тудо 300 утла топ-менеджерым, предприятий вуйлатыше, предприниматель ден учёный, министерстве ден ведомство вуйлатыше-влакым, тидын шотыштак федеральный кӱкшытан вуйлатыше-влакым, иквереш чумырен.

Моло сеҥымашат лийын. Чыла тугай еҥ-влаклан алал кумылын таум каласем, кӧмытын тыршымышт дене Марий Эл Республик вияҥ толмаштыже палынак ончыко тошкалын да тидыжым федеральный кӱкшытыштӧ палемдыме, тыгак производствышто, пасу ден вольык фермылаште, йочасадлаште, школ ден вузлаште, больницылаште, спорт комплекс ден культур учрежденийлаште тыршен пашам ыштыше еҥ-влакым, инвалид-влак верч азапланыше да илалше еҥ-влаклан полшен шогышо, армийыште сайын служитлыше, правопорядкым аралыме да общественный лӱдыкшыдымылыклан йӧным ыштен шогымо шотышто шке порысым шуктышо еҥ-влаклан тауштем. Кугу задачым шуктымаште чоҥышо, корным ыштыше, газовик-влак да республикысе чыла пашаеҥ чулымын тыршеныт.

Тек шушаш ий чылаланна сеҥымашке шумо, уым пален налме, икте-весе кокаште поро кылым кучымо, куаным кондышо ийыш савырна. 2018 ий декабрьыште икте-весынам лишемше У ий дене саламлыме годым ме тендан дене пырля Марий Элым вияҥдыме историйыште эше ик сай лаштыкым савырал пыштышна манын ӱшанлын каласен кертына, шонем.

Тыланда, республикыште илыше пагалыме еҥ-влак, мӧҥгыштыда поро шӱлышым, шӱм-чоныштыда йӧратымашым, ончыкылан ӱшаным, илышыште чыла сайым да пиалым тыланем, тек лишемше 2018 ий кажне ешлан куанле шуко татым пӧлекла! Таза лийза!

У ий дене!

Марий Эл Республикым Вуйлатыше А.А.Евстифеев

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.