Марий Элысе Кугыжаныш Погынжын Председательже Юрий Минаков У ий да Рошто пайрем дене саламла

0
121

2018 ий пиалым кондыжо! 

Марий Эл Республикыште илыше пагалыме еҥ-влак!

Марий Эл Республикын Кугыжаныш Погынжо тендам лишемше У 2018 ий дене саламла да Марий Эл Республикын пиалже лӱмеш чулымын пырля пашам ыштымылан алал кумылын таум каласа.

У ий – ойыртемалтше, чыла еҥын йӧратыме пайремже, тиде – поро ӱшаным да ала-мом уым куанен вучымо жап, тидын годым эртыше ийыште лийше чапле событийлам шарналтат, шуктымо пашам иктешлат да ончыкылан планым палемдат.

2017 ий мучко тыршен пашам ыштыме, ятыр кугу событий лийын, нелылык вашлиялтын гынат, тудо чапле ятыр татым, куанле вашлиймашым пӧлеклен, ятыр уым пален налме, аклен шукташ лийдыме опытым погымо.

Марий Эл Республикын Кугыжаныш Погынжо Марий Элыште илыше еҥ-влаклан шушаш ий мемнан республикылан да Российлан илышым тӱзатыме да сӧрасен илыме, пиалан вашталтышым кондышо да поро кумылын пашам ыштыме ийыш савырныже манын тылана.

У ийыште ме пеш кӱлешан ошкылым ыштышаш – Россий Федерацийын Президентшым сайлышаш улына, тидын дене ме шушаш куд ий жаплан Элын кузела вияҥшашыжым рашемдена.

Марий Эл Республикыште илыше пагалыме еҥ-влак, тек тендан кокла гыч кажныланда 2018 ий чыла сайым конда, эн волгыдо шонымашдам илышыш шыҥдараш йӧным пуа, тек кажне пӧртыштӧ пиал да ваш-ваш сайын умылымо кумыл, шӱм-чон шокшо озаланат.

Чылаланда пеҥгыде тазалыкым, тыныслыкым да илышыште чыла сайым, куандарыше событийлам да у сеҥымашым тыланем.

У, 2018 ий дене!

Марий Эл Республикын
Кугыжаныш Погынжын Председательже Ю.А.Минаков

ПАЛДАРАШ
viktaryshe
«Кидшер» интернет-журналын увер службыжо.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.