«Причастий да причастиян савыртыш» теме дене 7 класслан урок

0
351

Кодам тÿҥ школышто
марий йылмым да сылнымутым туныктышо
Беляева Зоя Александровна,
кÿшыл категориян туныктышо.

7-ше классыште марий йылме урок.       

Урокын темыже:
«Причастий да причастиян савыртыш» темым иктешлымаш

Цель:  Причастий да причастиян савыртыш нерген шинчымашым иктешлымаш.

Задаче-влак:  - Причастий, тудын  тÿшкаже-влакым   пален, лончылен, тÿрлö пашаште кучылт моштымо навыкым вияҥдаш.

- Кутырымо да возымо йылмым лывырташ.

-Илышын тÿрлö йогыныштыжо шкем кучен мошташ кумылаҥдаш.

Урокын типше:   Темым иктешлымаш урок.

УУД лектыш:

Личностный:  - Тунемме темым иктешлыме годым тÿрлö паша гоч шкеныштым аклен, сай ден осалым ойырен моштымышт.

- Темым илыш деке конден моштымышт.

- Марий йылмын поянлыкыштыже причастийын вержым муын моштымышт.

Регулятивный:- Марий йылмым тунеммаште вес предметым ужын моштымышт.

--Правил-влакым келшыше пример-влак дене пеҥгыдемден моштымышт.

Коммуникативный: - Чын мутланен моштымышт.

- Урокышто икте-весым пагален, умылен моштымышт.

-Шке шонымашым радам дене почын пуэн моштымышт.

Уроклан кучылтмо материал: компьютер, проектор,  экран,  тунемме книга, правил мутер.

Урокым эртарыме радам.

1.Тунемше-влакым уроклан ямдылымаш, цель дене палдарымаш.

Урокын эпиграфше дене палдарымаш ( доскаште):

                                                                       Ты урокын вийжым таче
                                                                         Кÿлеш сайын умылаш.
                                                                         Ончылно лиеш Причастий…
                                                                         Шÿм-чон гоч кÿлеш колташ.
                                                                                                         З.А.Беляева.

  1. Мутер паша: Марла ойлен мошташ:

Предложений (ойлончо), мут сочетаний (муткылдыш), падеж (вочмык), ударений (пералтыш), сложный предложений (кыдежан ойлончо),  причастный оборот (причастиян савыртыш), союз (ушем мут), звонкий согласный (йоҥ соҥйÿк),   глухой согласный (пич соҥйÿк).

  1. Теме деке кондымаш.

- Причастий нерген мом пален налынна?

- Тугеже, тунем пытарымеке, мом ме ыштышаш улына?

- Да,  иктешлаш тÿҥалына.

  1. Теме почеш паша.

4.1.Экранысе глагол-влакым эскерен, молан тыгай радам дене вераҥдымым рашемдымаш (илыш дене кылдаш):

Илаш, аралаш, аклаш йöраташ, тунемаш, тыршаш, кумылаҥаш, пеҥгыдемаш, умылаш, ÿшанаш.

- Молан мый нине глагол-влакым налынам?

4.2. Глагол-влакын спряженийыштым палемдымаш да ты пашан цельжым рашемдымаш.

- Айста глагол-влакын спряженийыштым пален налына (экран гыч).

-Молан тиде пашам ыштышна?

4.3. Кажне глагол гыч причастий-влакым ыштен возымаш (кучылтмо глаголышт-влак денак). Тергымаш.

4.4. Кажне тÿшка причастий нерген вашмутым пуымаш.

- Кö вашке каласа? 

- Мо тыгай действительный причастий? Пример

- Страдательный прчастий. Пример.

- Шöрымö форман. Пример.

- Шушаш жап. Пример.

    4.5.. Глагол-влак гыч причастий-влакым возен ыштымаш (2 тÿшкалан      пуаш): 1-ше тÿшка: икымше вич глаголым), 2-шо тÿшка (вес вич глаголым). Тергымаш.  

4.6. Ты пашан цельжым рашемдымаш.

4.7.. Причастий савыртышан предложений-влак дене паша.

- Мо тыгай причастиян савыртыш? Мом ме тудын нерген палышаш улына? Кузе препинаний знак-влак шындалт кертыт?

4.8.. Причастий савыртышан предложений-влакым «Сылнымут» станцийыште кычалына. А тиде станций гоч каяш кÿлеш лудмым шарналташ:

- Поездым зиян деч утарыше рвезе могай произведений гыч? Кö авторжо? Причастий савыртышым муаш да могай член улмыжым палемдаш?

(Экраныште – йодыш-влак).

- Рок пöртыштö илыше ÿдыр ден рвезе могай произведений гыч улыт? Кузе лÿмышт, кöавторжо?

- Йыван Кырлян «Шочмо кече» почеламутшо гыч причастиян кеорнылам наизусть каласыза.

- Кок слоган стопаште ударенийын  кокымшо слогеш вочмыжым  могай размер манына?

- Озаҥ оласе крепостьым налмым  Иван Грозный куанен вашлие?

4.9.  Илыш» станцийыште пашам ыштымаш.

- Экранысе распространённый предложений-влакым распростанённыйыш ыштен возымаш.

Йоча сеҥен (тыршаш).  Ушан ок лий (тунемаш).  Айдеме пиалан лиеш (Эл, аралаш).

4.10.  Кÿэмалтше ойсавыртыш-влакым умылымым рашемдымаш. Ик предложений гыч шонен возаш):

Рÿдаҥше пуда (ужалалтше айдеме).

Ава шöр дене толшо пуда (изинекак палыме йылме).

Вуйым сакыше айдеме  (шке вийжылан ÿшаныдыме).

Мардежыш кышкыме мут (арам ойлымо мут).

4.11. Калык ойпого дене пашам ыштымым тергымаш (Иванова Анастасия). Причастий-влакым палемдымаш.

4.12. «Келшымаш» станцийыште пашам ыштымаш.

- Экраныште палемдыме шомак-влак кокла гыч могайже келшен ок тол? Молан?

А). Палемдыме, келшыше,  толшо, мурышо,  возышо.

Б).  Келшышаш, куанышаш, лÿддымö, толшаш,  ончылтышаш.

В). Мурыдымо, суртдымо, келшыдыме,  луддымо, возыдымо.

  1. Иктешлымаш: вашмут-влакым аклымаш.
  2. Рефлексий: Тачысе урокышто эртарыме паша молан туныктен? Мом те сайын пален налында? А мо умылыдымашым конден? Шинчымашланда шке акым пуыза (посна кагазыште).
  3. Мöҥгысö паша: шонкалымашан сочиненийым возаш: «Илышыште могай айдеме лийнем?»

 

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.