Акрет годсек марий калыкын кечым шотлымо шке радамже лийын. Ты радамыште у идалык 22 мартыште шочын. 

Кажне ий янлык, кайык, копшаҥге лӱм дене палемдалтын. 2018 ий - Шоҥшо идалык – вучыдымо ошкыл, кыртмен пижмаш, пеҥгыдын йодмаш, эрыкыш тыршымаш, ончыклыкым ужмаш дене кылдалтеш.

Толшаш ийыште марий калыкнан могайрак марий йӱла дене кылдалтше пайрем-влак лийыт? Марла календарьым ончалаш темлена.

Январь – Шорыкйол 
1 январь (шорыкйол) – У ий
4 январь (шорыкйол) – Ош Кугу Юмын савыртыш кечыже
5-12 январь (шорыкйол) – Шорыкйол
19 январь (шорыкйол) – Вӱд модмо кече

Февраль - Пургыж
12 февраль (пургыж)  - Коҥга пазар
12-19 февраль (пургыж)  - Ӱярня арня
15 февраль (пургыж) – Теле рӱдылан мучаш

Март - Ӱярня
14 март (ӱярня) – Одоким кече. Тиде кече могай шога, шошымсо пӱртӱсын вийже тугай
22 март (ӱярня) – Тӱӧ идалыкым Шоҥшо идалык вашталта.

Апрель - Вӱдшор
1 апрель (вӱдшор) – Воштыр пазар (тошто калык ший да шӧртньым ужаленыт)
4 апрель (вӱдшор) - Кечыла вӱргече
5 апрель (вӱдшор) - Сорта чӱктыш
7 апрель (вӱдшор) – Тер кудалтыме кече (тиде кечын у пашам ышташ тӱҥалаш огеш лий).
8 апрель (вӱдшор) – Кугече
9 апрель (вӱдшор) - Шошымсо марий кумалтыш почылтеш
13 апрель (вӱдшор) - Кугече кугарня. Шнуй он-шамычым пелештат
17 апрель (вӱдшор) - Радинча
26 апрель (вӱдшор) – Марий талешке кече

Май - Ага
6 май (ага) – Йогор кече (вольыкым пасушко лукмо кече).
9 май (ага)– Сеҥымаш кече
14 май (ага) – Агавайрем кумалтыш почылтеш
21 май (ага) – Шошымсо кумалтыш петыралтеш
23, 24 май (ага) – Семык (палемдыме кече кундем дене кылдалтын)
25 май (ага) – Лышташ кугарня
28 май (ага) – Кугу Агавайрем, мланде шочмо кече

Июнь - Сӱрем
2 июнь (пеледыш) – Ономорко Агавайрем
12 июнь (пеледыш) – Российын кечыже
15 июнь (пеледыш) – Чумбылат курыкышто шнуй-влаклан товатлымаш.

Июль - Сӱрем
3 июль (сӱрем) – Мланде Юмын Ош кече йыр туран савырныме кечыже (игече могай лиеш, шудым солымо, уржа-сорла жап тугаяк шога).
7 июль (сӱрем) - Йыван Купача кече.
6-13 июль (сӱрем) - Сӱрем кумалтыш арня (кеҥеж кумалтыш петыралтеш).
27 июль (сӱрем) - Илян кугарня.

Август - Сорла
2 август (сорла) – Ильин кече.
4 август (сорла) – Шнуй Акпатырлан да Полтыш онлан вуйым савыме кече.
14 август (сорла) – Мӱкш илян кече (мӱкш ешын мӱйым поген шуктымыжым ончыкта).
19 август (сорла) – Саска илян кече (олма, вишня да груша кӱын шуыт).
29 август (сорла) – Кинде илян кече (шурно парчан амбарышке пурен вочмыжым ончыкта).

Сентябрь - Идым
14 сентябрь (идым) – Кайыквусо илян кече (кайыквусо шулдыр вийвалне улмыжым ончыкта).
Вӱд йӱкшымӧ кече, Семон кече.
21 сентябрь (идым) – Вольык илян кече (ашныме вольыкын да янлыкын ийвалне шогымо жапше).
27 сентябрь (идым) – Свизын, Маска пайрем.

Октябрь - Шыжа
13 октябрь (шыжа) – Покро шуматкече, тоштыеҥым шарныме кече, Мендур шӱгарлаште титак деч посна колышо-влакым уштымо кече.
14 октябрь (шыжа) - Покро. Угинде пайрем.

Ноябрь - Кылме
4 ноябрь (кылме) – Марий Эл Республикын кечыже.
21 ноябрь (кылме) – Шыже пазар.

Декабрь - Теле
10 декабрь (теле) – Марий тиште кече.
19 декабрь (теле) – Тӱня Юмын савыртыш кечыже, тиде тат гыч марий кумалтыш петыралтеш.
19-26 декабрь (теле) – Марий юмыйӱлан чоткыдо (строгий) пӱтӧ арняже.


Календарь гыч материалым кучылтыда гын, кылверым ончыткаш йодына.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.