Марий муро аршаш: «Шергакан таҥем»

0
414

Мутшо: Ю. Юсаеван
Семже: М. Петровын
Мура: Р. Искакова

1. Мӱндырчын, ола гыч, толын
Шергакан йолташем мыйын,
Изи шӱмем ок лыплане -
Каласаш ок лий.
Кече мучко вургыжланен,
Кастен лектын вашлиймашке,
Йолташемлан поро мутым
Ойлыде ок лий.

ПРИПЕВ: «Тольыч, тольыч шергакан таҥем!
Вашлиймашке мый адак вашкем,
Курымешлан тый пеленемак лий,
Тый дечет посна ончыкыжо илашат ок лий».

2. Ош Виче вӱд воктене лектын
Коштна, кидым ваш кучалын.
Нур ӱмбалне изи куку ӱмырлан сӧрен.
Кайык мурым шып колыштна,
Ваш йӧраташ мутым пуышна,
Да уэш чонемым почын
Ныжылгын мурем.

ПРИПЕВ ТУДАК.

3. Ынде толын вет шӱмелем,
Лиеш тудо мыйын пеленем.
Уло чон ден йӧраталын
Илаш мый чонем.
Тудын мутшым колышталын,
Ик оян эре лиялын,
Илыш корным сӧрастараш
Тудым вел вучем.

ПРИПЕВ ТУДАК.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.