Константин Косачевым сенаторланак коденыт

0
32

Марий Эл Республик вуйлатыше Александр Евстифеев регионын исполнительный кучемже деч Россий Федерацийын Федеральный Собранийжын Федераций-влак Советшын членжылан Федераций-влак Советын тӱнямбал паша шотышто комитет вуйлатыше Константин Косачевым шогалтыме нерген указыш кидпалым пыштен. 

- Константин Косачев – Марий Эллан палыме еҥ. Сенатор пашаште шкенжым сай велым ончыктен. Регионыш тудо чӱчкыдын толеда, кугыжаныш кучемын исполнительный орган вуйлатыше-влак, вуз-влакын ректорышт дене вашлиймашым эртара, социальный да тунемме учрежденийлаште лиеда. Республикыште улшо нелылык-влак нерген пала. Константин Иосифович ончыкыжымат республикыште илышым саемдышаш верч тыршаш тӱҥалеш манын ӱшанем, - палемден А.Евстифеев.

Ушештарена, Константин Косачев Марий Эл деч сенаторлан 2015 ий сентябрь гыч ышта. Тиде постышто тудо Светлана Солнцевам алмаштен.

Л.Камалетдинова («Марий Эл» газет)

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ОСТАВЬТЕ ОТВЕТ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.