Александр Евстифеев Марий Элысе ӱдырамаш-влакым Ӱдырамашын тӱнямбал кечыж дене саламла

0
240

Марий Элыште илыше пагалыме ӱдырамаш-влак! 

Чыладамат сылне шошо пайрем – Ӱдырамашын тӱнямбал кечыж – дене шокшын саламлем!

8 Март шошо толмым ончыкта, эн волгыдо шижмаш ден ойыртемалтше кумылым пӧлекла, йӧратымаш ден моторлыкын сеҥымашыштым пеҥгыдемда.

Ӱдырамашын чоным савырыше порылыкшо да шӱмеш пижше койышыжо пӱтынь тӱням сӧрастарат. Тендан полышда да йӧратымашда у деч у сеҥымашке шуаш кумылым луктеш, вий-куатым пӧлекла.

Тендан пӱртӱсланда кӧра мландымбалсе айдеме тукым курым гыч курымыш шукемеш, аван поро мутшо, ӱдырамашын пашаче кидше нигунамат огыт шулдешт. Лишыл еҥда-влаклан илышын ямжым умылаш полшеда, ешдам шыма койыш-шоктышда, кожмак шӱм-чонда дене арален шогеда. Тендан весела кумылда да сай ончыкылыклан ӱшанымыда дене кугыжанышын илышыже чак кылдалтын.

Мунлыкланда, нимучашдыме поро шӱмланда, чон шокшыланда, чытышланда кугу тау.

Поснак кугу таумут – ветеран ӱдырамаш-шамычлан. Илышыштыда эн волгыдо событий ден шарнымаш, сеҥымаш гына лийышт.

Лишемше шошо Марий Элыште илыше кажне ӱдырамашлан куан ден сеҥымашым кондыжо, кумылым шуктыжо.

Пагалыме ӱдырамаш-влак, пеҥгыде тазалыкым, сеҥымашым тыланем, чолга лийза, воктенда улшо-влаклан ӱшанен шогыза. Шошо пеледыш дене темше юзо пайремын шӱлышыжӧ, лишыл еҥда-влакын чон шокшышт тыглай кечынат шижалтышт. Пиалан да йӧратыме лийза!

Марий Эл Республикым вуйлатыше
А.А.Евстифеев.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.