Йылме йодыш: Икшыве молан марла ок кутыро?

0
303

Марий йылмына эркын дене йомын толеш ала-мо. Ынде яллаштат йоча-влак шукыжым рушла кутырат. Марла яндарын мутланышыже илалшырак еҥ да марий йылмым туныктышо-влак веле улыт, очыни. Молан тыге? Шоналтыза! 

Теве йочасадыш кайыше икшывым налаш… Марий еш гыч кок ияш ньога йочасадыш рушла кутырышо толеш. Марий йылме ешыште шочмо йылме семын икымше верыш огыл, а кокымшыш лектеш, коча-коват уныкашт дене рушла кутырат.

Ача-аважат пуйто марла мутланен огыт мошто. Ме, воспитатель-влак, икшывым шочмо йылмылан шӱмаҥдаш манын, йочасадын программыштыже вариативный ужашым кучылтына.

Тиде программын ужашыже «Национально-региональный компонент» маналтеш, тудым ме шке чоҥенна. Еш, шочмо вер, тӱвыра, историй нерген тӱрлӧ занятийыште ойлена. Тиде программын ужашыжым «Педагогын порталыштыже» ончен кертыда. Но, мыйын шонымаште, еш деч посна тиде паша умбаке ок кай. Пагалыме ача-ава, коча-кова-влак, шкежат марий шӱлышан лийза, йоча дене марла мутланыза, шочмо тӱвыралан шӱмаҥдыза!

Валентина Глушкова,
Кужэҥер район Коҥганур кыдалаш школышто школ деч
ончычсо группын воспитательже.
«Марий Эл» газет.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.