Марий театрын художественный вуйлатышыжлан Васлий Пектеевым шогалтеныт

0
345

М.Шкетан лӱмеш Марий драме театрын художественный вуйлатышыжлан Василий Пектеевым шогалтеныт. Тудо театрыште усталык дене кылдалтше пӱтынь пашам, тидын шотыштак режиссер-влакыным, виктараш тӱҥалеш. 

Пектеев палдарен, лишыл жапыште театрал-влакым С. Чавайн, М.Шкетан, К Коршунов, Ю.Байгузан, Йыван Кырлан лӱмгечыштлан пӧлеклалтше у спектакль-влак вучат. Тидын годымак Москошко гастроль дене каяшлан репертуар ямдылалтеш», - палемден художественный вуйлатыше.

«План чынжымак кугу, вийна уло. Кок ий утла ончыч Москва гыч самырык артист-влак тунемын тольыч. Моткочак чолга ӱдыр-рвезе-влак улыт. Ончычсо труппынат финн-угор тӱнясе театр-влак коклаште эн виянлан шотлалтын. Мемнан вес виян могырна - марий йылме дене спектакльым шындыше ныл профессиональный режиссерна уло.

Василий Пектеев латкуд ий жап шочмо театржын пашажым ӧрдыж гыч веле эскерен кертын гын, ынде марий калыкын профессиональный искусствыжым вияҥдыме сомылыш чон йӱлен, кугу кумылын ушнен.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.