Марий Эл Республикысе тӱвыра да келшымаш кыл шотышто регионысо «ВийАр» мер ушем Морко район Унчо кундемыште 12-15 июльышто «Унчоfest» лагерь-семинарым эртара.
Мерприятийыш чумыргышо-влак кином, мультфильмым ышташ тунемыт. Семинар жапыште тӱрлӧ мастер-класс, фильмым войзышо эксперт-влак дене вашлиймаш, тренинг, лекций-влак лийыт.
«Унчоfest» видео дене пашам ышташ тӱҥалше-влаклан сценарист, оператор, видеограф, мер пашаеҥ да кином йӧратыше-шамыч дене вашлияш, нунын дене мутым вашталташ, каҥашаш йӧным пуа», — палемда проектын авторжо Елена Иванова.
Семинарыш школышто тунемше, студент, кином йӧратыше моло еҥат ушнен кертыт. Йодмашым 20 май марте sotnur@mail.ru электрон почто дене колтыман.