Василий Петров: «Тиде законопроектым 100%-лан поддерживатлем»

0
197

«Марий ушем» мер организацийын правлений членже Василий Петров Кугыжаныш Думыш пуртымо йылмым шке кумылын тунемме закон проектым сайлан да кӱлешанлан шотла. 

«Тиде законопроектым 100%-лан поддерживатлем. Молан манаш гын, ончылгочак раш ыле - тидым приниматлаш огыт тӱҥал. Вес могырым, тиде законопроектым приниматлыме годым шуко йодыш нӧлталеш. Мутлан, кӧ тугеже региональный кугыжаныш марий йылмым тунемаш тӱҥалеш, кузе официально палаш ончылнет марий але марий огыл? Могай юридический документ ончыкта марий улметым? Вет паспортышто национальностьым огыт возо. Шочмо нерген свидетельствыште шке кумылын веле возат», — палемда Петров.

«Российысе Шинчымаш да шанче министерствылаште регионысо кугыжаныш але шочмо йылме шотышто пӧлка уке. Икманаш, тиде йодыш шукертак кӱын шуын, тидым Кугыжаныш Думо шукертак ончышаш», — ойла мер пашаеҥ.

Ушештарена, йылмым шке кумылын тунемме закон проектым Кугыданыш Думыш вӱдшор тылзын пуртеныт. Калыкле республикылаште кугыжаныш, мер пашаеҥ, журналист, туныктышо, да шочмо йылмын илышыже верч тургыжланыше-влакын тореш лиймыштлан кӧра закон проектым шыже марте приниматлымым шӱкалыныт. Кызыт Кугыжаныш Думо тиде закон проект шотышто темлымаш-влаакым пога.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.