Кином йӧратыше-влак Марий Элыште лагерь-семинарыш чумыргат

Проект Россий Президентын ойырымо грантше да Марий Эл Республикын социальный вияҥмаш министерствыже полшымо дене илышыш шыҥдаралтеш.

Морко районысо Унчо кундемыште 12-15 ильышто «УнчоFest» лагерь-семинар эрта.
Мероприятийыш Марий Эл, Татарстан республикыла, Ханты-Мансийск автоном округ, Моско, Санкт-Петербург олала, Эстоний да Венгрий гыч 50 еҥ чумыргышаш. 

«Унчоfest» лагерь-семианр – кином йӧратыше да кинофильмым возышо специалист-влаклан усталык площадке. Мероприятийын участникше-влак ончыкылык кинон сценарийым возаш тӱналме гыч фильмым мучашлыме марте корным эртат», — палдара проектын авторжо Елена Иванова.

Семинар жапыште тӱрлӧ мастер-класс, фильмым войзышо опытан еҥ-влак дене вашлиймаш, каныме кас, молат лийыт.

Проектым Марий Элысе «ВийАр» тӱвыра да келшымаш кыл шотышто мер ушем Россий Президентын грантше да Марий Эл Республикын социальный вияҥмаш министерствын полшымыж дене илышыш шыҥдара.

Ушештарена, икымше гана «Унчоfest» лагерь-семинар 2016 ийыште эртен. Форумыш 30 наре журналист, оператор да кином йӧратыше-влак чумыгреныт.

Николай Любимов, «Кидшер»

Кидшер
Шонымашым ешараш