Марий Эл Республикым вуйлатыше Алекандр Евстифеев тӱвыра аланыште тыршыше-влакым чап лӱм дене палемден. 

Печать отрасльым вияҥдымашке надырым пыштымыжлан да ятыр ий тыршен пашам ыштымыжлан «Марий Эл Республикын заслуженный журналистше» почётан лӱмым «Ямде лий» газетын ответственный секретарьже Людмила Григорьевалан пуымо.

Калык творчествым да культурно-досуговый пашам вияҥдымашке надырым пыштымыжлан да ятыр ий тыршен пашам ыштымыжлан Морко районысо Шеҥше ялысе тӱвыра пӧртшым вуйлатышыже Рамзия Николаевалан «Марий Эл Республикысе тӱвыран сулло пашаеҥже» лӱмым пуымо.

Тӱвыра областьыште надырым пыштымыжлан да ятыр ий тыршен пашам ыштымыжлан Йошкар-Оласе 3№-ан йоча искусство школын ешартыш образований муниципал бюджетный учрежденийын преподавательже Лариса Норкиналан «Марий Эл Республикысе тӱвыран сулло пашаеҥже» почётан лӱмым пуымо.

Дмитрий Иванов, «Кидшер»

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.