Марий книга издательстве у книгам савыктен

Книга «2013-2020 ийласе жаплан Марий Эл Республикын кугыжаныш национальный политикыже» кугыжаныш программе почеш савыкталтын.

«Марий книга издательстве» савыктыш пӧрт Эврик Анисимовын «Садерышке почмо окна» книгажым савыктен луктын. 

Книга композиционно оҥайын чоҥалтын: автор садерышке почмо окна воктене шинча да ош тӱняште мо ышталтмым, илышын йӱк-йӱанжым, тудын шере ден кочыжым, шочмо элысе мотор пӱртӱсын вашталт толмыжым тӱткын эскера.

Тематике могырым ончалаш гын, поэт айдеме кокласе кыл, яндар памаш вӱдла волгалтше йӧратымаш, аван да тулыкеш кодшо ӱдырамашын пӱрымашышт нерген чон вургыж шонкала. Тидлан эн ныжылге, поро, кумылым савырыше мут аршашым кычал муэш.

Книгам Марий Эл Республикын «2013-2020 ийласе жаплан Марий Эл Республикын кугыжаныш национальный политикыже» кугыжаныш программыж почеш савыктыме.

Кидшер
Шонымашым ешараш