«Марнетын шÿдыржö-влак – 2018» конкурсыш йодмашым погат

0
366

Марий Эл Республикысе тÿвыра, печать да калык-влак паша шотышто министерстве марла возышо сайт, портал, блог да Интернет-тӱшка-влакын «Марнетын шÿдыржö-влак – 2018» конкурсыш йодмашым пога. 

Конкурсыш кеч-кушто илыше, кеч-могай гражданстван, тыгодым марий йылме дене интернет-лаштыкым вÿдышö, сайт ден портал-влакым (тыгак нунын иктаж ужашыштым) ыштыше да шуяш полшышо юридический ден физический лица-влак вийыштым терген кертыт.

Конкурс икмыняр номинаций дене эрта:

  • Кугыжаныш кучем органын эн сай сайтше.
  • Тÿвыра, туныктыш тöнежын эн сай сайтше.
  • Мер организацийын эн сай сайтше.
  • Марий йылме дене савыкталтше ТУЙ-ын сетьысе эн сай версийже.
  • Марий калыкын сымыктышыжым, тÿвыражым, историйжым, йылмыжым да йÿлажым почын пуышо эн сай тематике сайт.
  • Посна авторын эн сай интернет-дневник (блог), Интернет-тӱшка.

Конкурсант-влак йодмашым 1 октябрь марте Марий Эл Республикысе тÿвыра министерствыш (424002, Йошкар-Ола, Кремлевский урем, 41) колтен кертыт. Конкурсышто сеҥыше-влакым декабрьыште палемдат.

Лекше йодышым 8 (8362) 42-20-04 телефон але pressa_mincult12@mail.ru электрон почто дене рашемдаш лиеш.

ШОНЫМАШДАМ КОДЫЗА:

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.