Кечышот. 1 август (сорла)

Мо дене тиде кече шарнымашеш кодын? Могай лӱмлӧ еҥ шке шочмо кечыжым палемда? Тидын нерген «Кидшер» интернет-журналын материалыштыже.

Событий-влак

  • Инкассаторын кечыже
  • Лӱмын келыштарыме связьын Службын кечыже
  • Икымше тӱнямбал сарыште (1914-1918) колышо-влакым шарныме кече
  • 1774 ий — молекуляр кислородым луктыныт.
  • 1903 ий — Серафим Саровскийым Шнуй-влак радамыш пуртымо.
  • 1964 ий — «Маяк» радиостанцийын икымше эфирже лийын.

Таче шочыныт

  • 1939 ий — Геннадий Апаевич Апаев, туныктыш пашаеҥ, Марий Эл Республикын сулло шанчыеҥже.
  • 1942 ий — Валерий Степанович Патрушев, шанче-археолог, историй шанче доктор.
  • 1951 ий — Зинаида Романовна Зорина, муниципал пашаеҥ.
  • 1954 ий — Хатиф Гараевич Вафин, ял озанлык специалист, Марий Эл Республикын сулло агрономжо, Россий Федераций ял озанлыкын сулло пашаеҥже.
  • 1968 ий — Илья Леонтьевич Акчурин, кугыжаныш пашаеҥ.
  • 1962 ий — Августа Владимировна Романова, артист да диктор.
  • 1976 ий — Надежда Михайловна Краснова, марий йылмызе, шанчызе, туныктышо, филологий шанче кандидат, доцент.

Коленыт

  • 1956 — Ксенофонт Архипович Четкарёв, марий серызе, шанчызе, фольклорист, этнограф, литературовед, религиовед, искусствоведений шанче кандидат, СССР Серызе-влак ушемын йыжъеҥже.

Калык пале

  • Макринан кечыже. Ожно лӱмат тыгай лийын. Южо шонымаш почеш, тиде кечын эре йӱр йӱрын, сандене лӱмжымат «мокрый» манын пуэныт. Макринан кечын игече могай – шыжат тугай лиеш – маныныт.
  • Йӱран игече годым марий калык Йӱр Кува ден Кугызам, Пыл Кува ден Кугызам шарналтен. Кужу жап кукшо игече шога гын, ял калык памаш дек миен, ший оксам, шинчалым але пырчым кудалтеныт. Кужу жап йӱр йӱреш гын, адакат Кугу Юмылан да Йӱр кува ден кугызалан пелештеныт.
Кидшер
Шонымашым ешараш