Кечышот. 6 август (сорла)

Мо дене тиде кече шарнымашеш кодын? Могай лӱмлӧ еҥ шке шочмо кечыжым палемда? Тидын нерген «Кидшер» интернет-журналын материалыштыже.

Событий-влак

  • 1851 ий — Моско-Санкт-Петербург кӱртньыгорным эскераш да ачалаш лӱмын подразделенийым почыныт.
  • 1889 ий — бокс дене перчатка деч посна кучедалмаш пытартыш гана эртаралтын. Тидын деч вара боксыш перчаткым пуртымо.
  • 1961 ий — космонавт Герман Титов космосыш чоҥештен. Историйыште тудо кокымшо космонавт лийын.

Таче шочыныт

  • 1920 ий — Андрей Михайлович Яналов, Совет Ушем Герой.
  • 1934 ий — Геннадий Гаврилович Калинкин, руш серызе, почеламутчо, шымлызе, йылмызе, журналист, МССР-ысе тӱвыран сулло пашаеҥже, Россий Серызе-влак ушемын йыжъеҥже.
  • 1947 ий — Виктор Борисович Салеев, тазалык аралтыш пашаеҥ, Марий Эл Республикын сулло эмлызыже.
  • 1949 ий — Геннадий Анатольевич Ямбаршев, милиций пашаеҥ да криминалист, Россий Федерацийын сулло юристше, полковник.
  • 1952 ий — Василий Михайлович Калабашкин, администраций пашаеҥ.
  • 1962 ий — Раиса Яковлевна Факаева, кугыжаныш да мер пашаеҥ.
  • 1969 ий — Светлана Владимировна Осипова (Дмитриева), Марий Эл Республикын сулло артистше.

Калык пале

  • Борис ден Глебын кечыже. Кӱдырчан йӱр йӱреш гын, шудо каваным оролаш тыршеныт: калык ой почеш тиде кечын волгенче каваным пера да шудо йӱла. ӱдырамаш-влак гын ломбогичкым погеныт да телылан кошташ шынденыт.
  • Марий калык ожнысек кӱдырчӧ деч лӱдеш. Вет Кӱдырчӧ Юмо каваште кудалыштын, мландывалне сулыкан еҥым кычалеш, муэш да ӱмбакыже тул кӱым кудалта.
Кидшер
Шонымашым ешараш