Пошкырт кундемыште марий йылмым шочмо йылме семын 1,11% республикысе тунемше-влак ойырен налыныт. Тидын нерген регионысо шинчымаш министерсвын данныйжылан эҥернен «Idel.Реалии» (йот агент реестрыш пуртым) палдара.
Мониторинг почеш, 2018-2019 тунемме ийлан шочмо йылме семын руш йылмым 63,05% тунемше, пошкырт — 15,6%, татар — 9,45%, марий — 1,11%, чуваш — 0,74%.
Пошкырт ден руш йылмым (шочмо йылме семын) чыла регионысо школлаште тунемаш тӱҥалыт. Татар йылмым 12 муниципал районлаште да 3 оласе округышто туныкташ тӱҥалыт. Чуваш йылме урок-влакым 5 муниципал районлаште тунемаш тӱналыт гын, марий йылмым иктыште гына.
Пошкырт кундемысе школлаште 468 154 еҥ тунемеш. Республикыште чылажге 11 шочмо йылмым туныкташ тӱҥалыт.
Николай Любимов, «Кидшер»