Шкем тергаш йӧн: «Кугу этнографий диктант» Марий Элыште эрта

0
218

Калыкын икоян улмо кече вашеш, 2 ноябрьыште элыштына илыше тӱрлӧ калык-влакын тӱвыра поянлыкышт нерген палыме шинчымашым тергаш лиеш. «Кугу этнографий диктант» элнан кажне регионыштыжо, тыгак СНГ-ш пурышо ятыр кундемыште эрташ тӱҥалеш. 

Мемнан кундемыште диктантым возаш чылажге 32 верым ямдылат. Диктантым возышо-шамычлан 30 йодыш логалеш. Нунын кокла гыч 20 йодышыжо федерал кӱкшытан, Российыште илыше калык-шамыч нерген лиеш. 10 йодыш шкенан кундем дене кылдалтше лийыт. Чылажге диктант возымо пашалан 45 минут пуалтеш.

Организатор-влакын палемдымышт почеш, диктантым тыгак ты жапыште вигак Кугу диктантын официал сайтыштыже возаш йӧн лиеш. Иктешлымаш 12 декабрьыште лиеш.

Кодшо ийын акцийыш Марий Элыште илыше 600 наре ен ушнен.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.