«КонтактЫште» российысе соцкылым марий йылмыш кусареныт. Тиде пашам компьютер лингвист, МарНИИЯЛИ-н пашаеҥже Андрей Чемышев, йылмызе да историк Федор Алексеев да историк Татьяна Григорьева шуктеныт. 

«Кызытеш 83%-ыш шуынна, тӱҥалмына годым гын 39% ыле. Изишак моктанаш гын, кодшо тылзылан «ВКонтактыште» кусарена» тӱшкаште мемнам эн чот тыршыше кусарыше-влак семын палемденыт. Ме кылме тылзыште пӱтынь VK-се кусарыше-влак коклаште икымше верым налынна. Мут толмашеш, вӱдшор тылзыште бурят версийым ышташлан 21 кусарыше тыршен, чылажге 11481 ключым кусареныт», — палемдат кусарыше-влак.

Кызытсе жаплан 5000 деч шагал корно кусарашлан кодын. Туге гыат кажне кечын кечын у корно-влак ешаралтыт.

Икымше «КонтактЫште» 2013 ийыште илышым ужын. Тудым 2011 ийыште кусараш тӱҥалыныт ыле, но сайтын политикыж почеш, кусарыме пашам ик гана ыштен, кудалташ ок лий мут-влакым эреак кусарен шогыман.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.