Марий Элыште марий йылмым шочмо йылме семын 7 тӱжем 948 йоча (0,4%) республикысе тунемше-влак ойырен налыныт. Тидын нерген Марий Мер каҥашын пленумыштыжо вуйверын еҥже Лидия Иксанова 3 ноябрьыште палдарен.  

«Марий йылмым шочмо йылме семын – 7948 йоча (0,4%), марий йылмым кугыжаныш йылме семын – 35 тӱжем 977 йоча (47,3%), кугыжаныш марий йылме да ИКН предмет-влакым интегрированно (пырля) – 20 тӱжем 878 йоча (27,4%), татар йылмым – 1156 йоча (1,5%), одо йылмым – 64 йоча (0,1%) тунемеш», — ойла Иксанова.

Чылажге 247 школ уло гын, 84 школышто марий йылмым шочмо йылме семын тунемыт.

Ситуаций критический огыл, палемда Лидия Иксанова.

«Марий Эл — ик эн шотеш толшо регион, кушто марий йылмым аралымаш йодыш эре шукталтеш», — палемдат Мер каҥашыште.

2019 ийыште республикыште йылмым туннемашлан куд тӱрлӧ учебник лекшаш.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.