Акрет годсек марий калыкын кечым шотлымо шке радамже лийын. Ты радамыште у идалык 22 мартыште шочын.

Кажне ий янлык, кайык, копшаҥге лӱм дене палемдалтын. 2019 ий – Шордо идалык – артист койыш, пушкыдо кумыл, чынлык, гармоний дене илаш тыршымаш дене кылдалтеш.

Толшаш ийыште шочмо калыкнан могайрак марий йӱла дене кылдалтше пайрем-влак лийыт? Марла календарьым темлена.

Январь – Шорыкйол 
1 январь (шорыкйол) – У ий;
4 январь (шорыкйол) – Ош Кугу Юмын савыртыш кечыже;
4-11 январь (шорыкйол) – Шорыкйол;
7 январь (шорыкйол) – Рошто;
19 январь (шорыкйол) – Вӱд модмо кече.

Февраль — Пургыж
12 февраль (пургыж)  — Коҥга пазар.

Март — Ӱярня
4-11  март (ӱярня)  — Ӱярня арня;
14 март (ӱярня) – Одоким кече. Тиде кече могай шога, шошымсо пӱртӱсын вийже тугай;
22 март (ӱярня) – Шоҥшо идалыкым Шордо вашталта.

Апрель — Вӱдшор
7 апрель (вӱдшор) – Тер кудалтыме кече (тиде кечын у пашам ышташ тӱҥалаш огеш лий);
21 апрель (вӱдшор) – Воштыр пазар (тошто калык ший да шӧртньым ужаленыт);
24 апрель (вӱдшор) — Кечыла вӱргече;
25 апрель (вӱдшор) — Сорта чӱктыш;
26 апрель (вӱдшор) – Марий талешке кече;
28 апрель (вӱдшор) – Кугече.

Май — Ага
3 май (ага) — Кугече кугарня. Шнуй он-шамычым пелештат;
6 май (ага) – Йогор кече (вольыкым пасушко лукмо кече);
7 май (ага) — Радинча;
9 май (ага)– Сеҥымаш кече;

Июнь — Пеледыш
12 июнь (пеледыш) –
Российын кечыже;
12, 13 июнь (пеледыш) 
Семык (палемдыме кече кундем дене кылдалтын);
15 июнь (пеледыш) – Пеледыш пайрем;
14 июнь (пеледыш) –
Лышташ кугарня;
23 июнь (пеледыш) – Чумбылат курыкышто шнуй-влаклан товатлымаш;
28 июнь (пеледыш) – Индеш кугарня.

Июль — Сӱрем
3 июль (сӱрем) – Мланде Юмын Ош кече йыр туран савырныме кечыже (игече могай лиеш, шудым солымо, уржа-сорла жап тугаяк шога);
7 июль (сӱрем) — Йыван Купача кече;
7-14 июль (сӱрем) — Сӱрем кумалтыш арня (кеҥеж кумалтыш петыралтеш).

Август — Сорла
2 август (сорла) – Угинде. Илян кече.
3 август (сорла) – Шнуй Акпатырлан да Полтыш онлан вуйым савыме кече.
14 август (сорла) – Мӱкш илян кече (мӱкш ешын мӱйым поген шуктымыжым ончыкта).
19 август (сорла) – Саска илян кече (олма, вишня да груша кӱын шуыт).
29 август (сорла) – Кинде илян кече (шурно парчан амбарышке пурен вочмыжым ончыкта).

Сентябрь — Идым
14 сентябрь (идым) – Кайыквусо илян кече (кайыквусо шулдыр вийвалне улмыжым ончыкта).
Вӱд йӱкшымӧ кече, Семон кече.
21 сентябрь (идым) – Вольык илян кече (ашныме вольыкын да янлыкын ийвалне шогымо жапше).
24 сентябрь (идым) – Свизын, Маска пайрем.

Октябрь — Шыжа
12 октябрь (шыжа) – Покро шуматкече, тоштыеҥым шарныме кече, Мендур шӱгарлаште титак деч посна колышо-влакым уштымо кече.
14 октябрь (шыжа) — Покро. Угинде пайрем.

Ноябрь — Кылме
4 ноябрь (кылме) – Марий Эл Республикын кечыже.
21 ноябрь (кылме) – Шыже пазар.

Декабрь — Теле
10 декабрь (теле) – Марий тиште кече.
19 декабрь (теле) – Тӱня Юмын савыртыш кечыже, тиде тат гыч марий кумалтыш петыралтеш.
19-26 декабрь (теле) – Марий юмыйӱлан чоткыдо (строгий) пӱтӧ арняже.


Календарь гыч материалым кучылтыда гын, кылверым ончыткаш йодына.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.