Марий кечышот почеш, 2019 ий – Шордын идалыкше. Тудо мемнан деке 22 мартыште толеш, Шоҥшо идалыкым вашталта.

«Шордо, янлык шот дене ончалына гын, мотор, кугу капан, но ир койышан. Сандене, айдеме вуйлатыше, кугыжаныш кучем еҥын тиде ийыште ала-могай нелыкат лийын сеҥа. Тидым эреак палыман. Кинде тений ала-мыняр гынат шочман, емыж шуко лийман, поҥго да тӱрлӧ саска шыже велеш тӱрвоч лийшаш. Икманаш, идалык шкешотан», — ойла Марий Эл Республикын Тӱҥ Онаеҥже Александр Таныгин.

Шордо – артист койыш, пушкыдо кумыл, чынлык, гармоний дене илаш тыршымаш дене кылдалтеш.

«Идалык моторлыкым, ӱдырамаш койышым ончыкта. Сандене, тиде идалыкыште моторын мутланыман да чийман», — палемда онаеҥ.

Марий кечышот почеш, шордын идалыкыштыже 1923, 1955, 1987 да 2019 ийыште шочшо-влак улыт.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.