Таче вӱдшор тылзын 2-шо кечыже. Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий:

  • Калык-влакын чак чумыргымо кече.
  • Аутизм чер нерген шижтарыме тӱнямбалсе кече.
  • Тӱнямбалсе йоча книга кече.
  • Белоруссий да Россий эл калык-влакын икоян улмо кечышт.
  • 1833 ий — Александр Сергеевич Пушкинын «Евгений Онегин» романже посна книга дене савыкталтын.
  • 1912 ий — газетыште икымше гана «джаз» шомакым кучылтмо.
  • 1958 ий — Америкын президентше Эйзенхауэрын темлымашыже почеш НАСА тӧнежым почмо. Тудо космонавтикым вияҥдаш полшышо эн кугу организацилан шотлалтеш.

Шочыныт:

  • 1910 ий — Сергей Ибатович Ибатов (Серегей Эман), марий серызе, фольклорист, литературовед, кусарыше.
  • 1936 ий — Евдокия Васильевна Товашова, шанчыеҥ.
  • 1975 ий — Александр Леонидович Иванов (Саша Иванов), марий гармоньчо да мурызо.

Калык пале:

  • Фотиньян кечыже. Тиде кечын тавысе вÿд юзо виян лиеш, маныныт. Сандене тавысе вÿд дене кидым, шÿргым шÿялтеныт. Тыгак кечывал кечын вынер тувырым, солыкым але ургаш ямдылен пыштыме куэмым тÿжваке луктыныт.

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.